எளிதில் சமைக்க ருசிக்க @ Neelavin Samayalarai

Showing posts with label சேமியா. Show all posts
Showing posts with label சேமியா. Show all posts

ஆப்பிள் சேமியா ரவா பாயசம் / Apple Semia rava kheer



செய்முறை




கெட்டி அப்பிளை சிறு கண் உள்ள துருவியில் துருவி வைக்கவும்
ஆப்பிள் -1 கப் துருவியது

2 டே.ஸ்பூன்  நெய்யில் முந்திரி பாதம் வறுத்து, அது நிறம் மாறும் சமயத்தில் கிஸ்மிஸ் சேர்த்து வறுத்து தனியாக எடுத்து வைக்கவும்.

பின் அதே நெய்யில் ஆப்பிளை , நீர் சுண்டும் வரை வதக்கி, அதனுடன் 
2 மேஜைக்கரண்டி சேமியாவும்
1 மேஜைகரண்டி ரவையும் சேர்த்து வறுத்து
அதனுடன் 2 கப் பாலை 1 கப் நீர் சேர்த்து ஊற்றி, சேமியா வேகும் வரை விடவும்



சேமியா வெந்ததும், 1/4 கப் சர்க்கரை சேர்க்கவும்
(ஆப்பிளின் சுவைக்கேற்ப சர்க்கரை சேர்த்து கொள்ளவும்)

சர்க்கரை கரைந்து கொதி வரும் பொழுது, அடுப்பை அணைத்து வறுத்த பருப்புகளை சேர்த்து கலக்கவும்.

சூடாகவோ குளிர வைத்தோ பறிமாறலாம்.




பாலக் சேமியா புலாவ் / Spinach semia pulao


செய்முறை

1 கப் சேமியாவை வேகவைத்து , வடித்து வைக்கவும்.

15 முதல் 20 பாலக் கீரை இலையை, 2 அல்லது 3 பச்சை மிளகாய் மற்றும் முந்திரி சேர்த்து தண்ணீரில் வேகவைத்து, 
நீரை வடிகட்டி, 
மிக்சியில் இஞ்சிபூண்டு விழுது சிறிது, மஞ்சதூள், 1/2 ஸ்பூன் கரம்மசாலா தூள் சேர்த்து விழுதாக அரைக்கவும்.




பின் ஒரு கடாயில் எண்ணெய் விட்டு, சீரகம் தாளித்து
வெங்காயம் சேர்த்து வதக்கவும்
பின் சிறிது வறுத்த வேர்க்கடலை சேர்த்து வதக்கவும்.

வெங்காயம் வதங்கியதும் , அரைத்த விழுதை சேர்த்து பச்சை வாசனை போகும் வரை வதக்கி,



அதனுடன் சேமியாவும், உப்பும் சேர்த்து பிரட்டி , அடுப்பை அணைக்கவும்.

குறிப்பு:   
இதே முறையில் சேமியாவிற்கு பதில் இடியாப்பம் சேர்த்து பிரட்டி

பாலக் இடியாப்பம் செய்யலாம்.





சேமியா கேசரி / Semia Kesari



செய்முறை

2 மேஜைக்கரண்டி நெய்யில் பாதாம் மற்றும் திராச்சையை வறுத்து தனியாக எடுத்து வைக்கவும்.
பின் அதே நெய்யில் 1 கப் சேமியாவை 2 நிமிடம் வறுத்து, 2.5 கப் தண்ணீர் சேர்த்து சேமியாவை வேகவைக்கவும்.




சேமியா வெந்தபின் 1/4 முதல் 1/2 கப் சர்க்கரை சேர்த்து கலந்து, அதில் 1/4 ஸ்பூன் ஏலக்காய்தூள், 1 துளி கலர் , 1 மேஜைக்கரண்டி நெய், வறுத்த பருப்புகள் சேர்த்து 2 நிமிடம் கிளறி, இலக்கமாக இருக்கும் பொழுது , அடுப்பை அணைக்கவும்.
ஆறினால் கெட்டி படும்.






சேமியா பாயாசம் / Semia payasam




செய்முறை

1 கப் சேமியாவை வறுத்து, 2 கப் கொதிக்கும் தண்ணீரில் தூவினாற் போல் சேர்த்து கலந்து , சேமியாவை வேகவைக்கவும்.
பிறகு 1/2 கப் சர்க்கரை சேர்க்கவும், கரைந்ததும், 2 மே.கரண்டி கண்டென்ஸ்ட் மில்க் , பால் தேவையான அளவு சேர்த்து, சிறிது சுண்ட விடவும்.


ஏலக்காய் தூள் சேர்த்து , அடுப்பை அணைக்கவும்.
ஒரு தாளிப்பு கரண்டியில் நெய் விட்டு, முந்திரி சேர்த்து வறுக்கவும், 
முந்திரி பாதி சிவப்பு ஆகும் பொழுது, கிஸ்மிஸ்ஸை சேர்த்து பொரித்து, பாயாசத்தில் சேர்க்கவும்.

விருப்பப்பட்டால் குங்குமப்பூ சேர்க்கலாம்.

குறிப்பு:
பாயாசத்தை பொறுத்தவரை, 1 கப் சேமியா (அ) ஜவ்வரிசி என்றால் 1 கப் சர்க்கரை சேர்க்கவும்.
இங்கு கண்டென்ஸ்ட்மில்க் சேர்த்ததால் சர்க்கரையின் அளவை குறைத்துள்ளேன்.

பாலில் சர்க்கரையை சேர்க்கும் பொழுது, அடுப்பை மிக குறைவாக வைத்து சேர்க்கவும், இல்லையேல் பால் திரிய வாய்ப்புண்டு.






தயிர் சேமியா / Curd Semia



செய்முறை




ஒரு பாத்திரத்தில் தண்ணீரை கொதிக்க வைத்து, அதில் 1 ஸ்பூன் எண்ணெய் விடவும். பின் அதில் 1 கப் சேமியாவை போட்டு 2 நிமிடம், வேகும் வரை விட்டு, வடித்து வைக்கவும்.
குழையாமல் பார்த்து கொள்ளவும்.



பின் கடுகு, உ.பருப்பு, க.பருப்பு, சீரகம் தாளித்து, அதனுடன் நறுக்கிய சின்ன வெங்காயம், கறிவேப்பிலை,பச்சை மிளகாய் (2), உலர் திராச்சை சேர்த்து வதக்கவும்.



பின் அடுப்பை அணைத்து, சேமியா , உப்பு சேர்க்கவும்.
ஆற விடவும்.



பின் பால்1 கப், தயிர் 1 கப் சேர்த்து,




மாதுளை, கொத்தமல்லி சேர்த்து  பறிமாறவும்.









Related Posts Plugin for WordPress, Blogger...