மோதகம்

பூரணம் செய்ய :

1 கப் தேங்காய் துருவலுடன், 1 கப் வெல்லம் சேர்த்து கிளறவும்.

அதனுடன் ஏலக்காய் தூள் சேர்த்து, நன்கு திரண்டு வரும் வரை கிளறி, அடுப்பை அணைத்து, ஆற விடவும்.

மேல் மாவு செய்ய:

அரிசி – 1 கப்

தண்ணீர் – 2 கப்

உப்பு – ¼ டீ.ஸ்பூன்

செய்முறை

அரிசியை நன்கு ஊறவைத்து, தண்ணீரை வடித்து, மிக்சியில் அரைக்கவும். அரிசி பொடியானவுடன், 1 கப் தண்ணீர் சேர்த்து மைய அரைத்தெடுக்கவும்.

 ஒரு கடாயில் 1 கப் தண்ணீர் ஊற்றி, அதில் 1 ஸ்பூன் நெய் சேர்த்து, உப்பு மற்றும் அரைத்த மாவை ஊற்ற ஊற்ற கிளறவும்.

நன்கு திரண்டு சப்பாத்தி மாவு போல் வந்தவுடன் , அடுப்பை அணைத்து ,ஆறவிடவும்.

மோதக அச்சை எடுத்து உள்ளே நெய் தடவவும் , பின் முதலில் மாவை உள்ளே சமமாக ஓரங்களில் வைத்து அமுக்கவும்.நடுவில் பூரணத்தை வைத்து, மீண்டும் சிறிது மாவு வைத்து மூடவும்.( அச்சை இரண்டாக திறந்து மோதகத்தை வெளியே எடுக்கவும்.)

பின் இட்லி பாத்திரத்தில் வைத்து 10 நிமிடம் வேகவைத்து எடுக்கவும்.