2 இன் 1 பொங்கல் / Sweet and spicy pongal

தேவையான பொருட்கள்

பச்சரிசி – 1 கப்

லேசாக வறுத்த பாசிபருப்பு – ½ கப்

வெண்பொங்கல் செய்ய:

ஜீரகம் – ½ டீ.ஸ்பூன்

மிளகு – ½ டீ.ஸ்பூன்

பச்சைமிளகாய் – 2

கறிவேப்பிலை

இஞ்சி –சிறு துண்டு

முந்திரி

நெய் – 2 டே.ஸ்பூன்

ஆயில் – 1 டே.ஸ்பூன்

உப்பு

சர்க்கரை பொங்கல் செய்ய:

வெல்லம் – ½ கப் ( பொடித்து, சிறிது தண்ணீர் விட்டு காய்ச்சி, கரைந்ததும் வடிகட்டவும்)

நெய் – 2 டே.ஸ்பூன்

திராச்சை, முந்திரி

ஏலக்காய், ஜாதிபத்திரி

செய்முறை:

முதலில் அரிசியை பருப்போடு சேர்த்து ½ மணி நேரம் ஊறவைக்கவும்.

( இப்பொழுது தேவையான பொருட்களை தயார் செய்து கொள்ளவும்)

பின் 4 முதல் 5 கப் தண்ணீர் சேர்த்து, 5 விசில் விட்டு, அரிசிபருப்பை கொளைய வேகவிடவும்.

பின் வேகவைத்ததை சரி பாதியாக பிரித்து, இரு பாத்திரத்தில் வைக்கவும்.

முதல் பாகம்:

பொங்கலில் உப்பு சேர்த்து, வெண்பொங்கலுக்கு தாளித்து கொட்டி, சமமாக கலக்கவும்.

குறிப்பு:ஜீரகமிளகை  பொடி  செய்து சேர்த்தால் உண்ணும்  பொழுது  எடுத்து  வைக்க மாட்டோம், பச்சரிசியை  ஜீரனம்  செய்யும்.

இரண்டாம் பாகம்:

பொங்கலில் வெல்ல பாகை ஊற்றி, ஏலக்காய் ஜாதிபத்திரி தூளை சேர்த்து,

நெய்யில் திராச்சை முந்திரி தாளித்து சேர்த்து, அடுப்பில் வைத்து 1 நிமிடம் கிளறி பறிமாறவும்.

குறிப்பு:  வெல்லத்திற்கு பதில் கற்கண்டு சேர்த்து, சிறிது பால் அல்லது  மில்க்மைட்  சேர்த்தால்  கற்கண்டு பாத் (அ)  கற்கண்டு பொங்கல் தயார்.