எலுமிச்சை ஸ்குவேஷ் / Lemon Squash

எலுமிச்சைபழம் ஸ்குவேஷ்

தேவையான பொருட்கள்

எலுமிச்சைபழம் –10

1 பழத்திற்கு 3 டே.ஸ்பூன்(45 கிராம்) சர்க்கரை என்ற கணக்கிற்கு எடுத்து கொள்ளவும்.

10 பழத்திற்கு 450 கிராம் சர்க்கரையை எடுத்து கொள்ளவும்.

தண்ணீர் சர்க்கரையின் பாதி அளவு, அதாவது 200 + 25 மி.லி.

ஏலக்காய் தூள் – சிறிதளவு

செய்முறை:

முதலில் சர்க்கரையை தண்ணீர் சேர்த்து , அடுப்பில் வைத்து மிதமான தனலில் சர்க்கரையை கரையவிடவும்.

பின் கொதிக்க வைக்கவும். கொதிக்கும் பொழுது, சர்க்கரையில் உள்ள அழுக்கு மேலே வரும்.

அப்பொழுது ஒரு எலுமிச்சைபழத்தை பிழிந்தால் ,அழுக்கு ஒதுங்கிவரும். ஒரு கரண்டியால் எடுத்து விடவும்.

பின் ஏலக்காய் தூள் சேர்த்து , பாகு வராமல் பிசுக்கு தன்மை வந்ததும், அடுப்பை அணைத்து, ஆற விடவும்.

பின் எலுமிச்சைபழத்தை பிழிந்து, வடிகட்டவும்.

ஆறிய சர்க்கரையில் எலுமிச்சைபழ சாறை கலக்கி, பின் வடிகட்டி, ஒரு சுத்தமான பாட்டிலில் ஊற்றி

வைக்கவும்.

பறிமாறும் பொழுது, 1:3 அதாவது ¼ கப் ஸ்குவேஷ்கு ¾ கப் சில் தண்ணீர் சேர்த்து கலக்கி அருந்தவும்.

சிறிது சோடா , புதினா தழை சேர்த்தும்  அருந்தலாம்.

குறிப்பு:

நாம் செய்யும் பொழுது, கையிலோ , பாட்டிலிலோ ஈரம் இருக்க கூடாது. ஏனெனில் ஸ்குவேஷ் புளித்து (கெட்டு போய்) விடும்.

ப்ரிசர்வேடீவ் எதுவும் சேர்க்காததால் , குளிர் சாதன பெட்டியில் வைத்து பயன்படுத்தவும்.

எலுமிச்சை பழத்தை முதலிலேயே பிழிந்து வைத்தால் சுவை மாறிவிடும்.அதனால் கலக்கும் பொழுது பிழிந்தால் போதும்.

இதே செய்முறையில் மாம்பழம், திராச்சை, பிற பழங்களிலும் செய்யலாம்.

பிற பழங்களில் , முதலில் பழகூழ் எடுத்து, அதற்கேற்ப சர்க்கரை சேர்க்கவும்.

அளவு:

1 கப் பழகூழ் என்றால்

2 கப் சர்க்கரை + 1 கப் தண்ணீர்

(ஏலக்காய் வேண்டாம். விருப்பபட்டால் எசன்ஃஸ் – மாம்பழம், திராச்சை , கடைசியில் சேர்க்கலாம்)

மேற்கூரியபடி சர்க்கரை தண்ணீர் ஆறியவுடன் பழகூழ் சேர்த்து நன்கு கலக்கிவைக்கவும்.

பறிமாறும் பொழுது, 1:3 அதாவது ¼ கப் ஸ்குவேஷ்கு ¾ கப் சில் தண்ணீர் சேர்த்து கலக்கி அருந்தவும்.