பூண்டு தொக்கு

தேவையான பொருட்கள்:

 (பொருட்களை 200 மி.லி கப்பில் அளக்கவும்)

பூண்டு மிக்சியில் லேசாக மசித்தது – 2 கப்

எலுமிச்சை சாறு – 1/2 கப்

மிளகாய் தூள் - 1/2 கப் (காரம் குறைவாக விரும்பினால் சிறிது குறைக்கவும்)

கல் உப்பு – 70 மி.லி

நல்லெண்ணை – 200 மி.லி

கடுகு - தாளிக்க

சிறிது வெல்லம், மஞ்சள் தூள் சேர்க்கலாம்.

வறுத்து பொடி செய்ய:

சீரகம்- 1 டீஸ்பூன்

வெந்தயம்- ¾ டீஸ்பூன்

மல்லிவிதை- 2 டீஸ்பூன்

இம்மூன்றையும்

வெறும் வானலியில் தனித்தனியாக , மிதமான

தனலில் வறுத்து பொடி செய்யவும்.

பெருங்காயத்தூள் – 1/2 டீஸ்பூன்

இவை அணைத்தையும் தயாராக வைக்கவும்.

செய்முறை

ஒரு கடாயில் எண்ணெய் ஊற்றி, கடுகு தாளித்து

நசுக்கிய பூண்டை சேர்த்து மிதமான தனலில் நன்கு வதக்கவும்

பின் குறிப்பிட்டுள்ள எல்லா பொடிகளையும் சேர்த்து 1 வதக்கு வதக்கி

எலுமிச்சை சாறு சேர்த்து

குறைந்த தனலில் 5 நிமிடம் வைத்து, எண்ணெய் விட்டு வரும் பொழுது, அடுப்பை அணைக்கவும்.

ஆறியவுடன் சுத்தமான பாட்டிலில் போட்டு வைக்கவும்.

இட்லி தோசை சாத வகைகளுடன் சுவையாக இருக்கும்.